Sunday, 23 August 2015

ವಿಂಡೋಸ್‌ನಲ್ಲಿ ಕನ್ನಡ ಇನ್‌ಸ್ಕ್ರಿಪ್ಟ್ ಕೀಲಿಮಣೆ ಸಕ್ರಿಯಗೊಳಿಸುವ ವಿಧಾನ

InScript ಕೀಲಿಮಣೆ Indian Script ಎಂಬುದರ ಹ್ರಸ್ವ ರೂಪ. ಕನ್ನಡವೂ ಸೇರಿದಂತೆ, ಭಾರತೀಯ ಭಾಷೆಗಳ ಮಾಹಿತಿಯನ್ನು ಗಣಕಕ್ಕೆ ಊಡಿಸಲು C-DACರವರಿಂದ ರೂಪಿಸಲ್ಪಟ್ಟು, ಭಾರತ ಸರ್ಕಾರದ ಮಾನ್ಯತೆ ಪಡೆದ ಕೀಲಿಮಣೆ.

InScript ಇಂಗ್ಲೀಷ್ ಕೀಲಿಮಣೆಯ ಫೊನೆಟಿಕ್ ಆಧರಿಸಿ ಇಲ್ಲದಿರುವುದು ಕೊರತೆ ಎನಿಸಿದರೂ ಯಾವ ಕನ್ನಡ ಕೀಲಿಮಣೆಯ ಬಳಕೆಯನ್ನೂ ಮಾಡದೇ, ಇಂಗ್ಲೀಷ್ ಕೀಲಿಮಣೆ ಮತ್ತು ಕನ್ನಡ ಕೀಲಿಮಣೆಯೊಂದಿಗೆ ಸಮಾನ ದೂರ ಹೊಂದಿರುವ ಬಳಕೆದಾರರಿಗೆ (ಹೇಗಿದ್ದರೂ ಅವರು ಕಲಿಯಲೇ ಬೇಕಾದ್ದರಿಂದ) ಇದು ಅನುಕೂಲಕರ. ವೇಗಕ್ಕೆ ಮಹತ್ವವಿರುವ ಡೇಟಾ ಎಂಟ್ರಿಯಂಥಾ ಕೆಲಸಗಳಲ್ಲಿ ಇದು ಬಹಳ ಉಪಯೋಗಕಾರಿ. ಯಾವುದೇ ಹೊರಗಿನ ಕೀಲಿಮಣೆ ತಂತ್ರಾಶಗಳ ಅವಶ್ಯಕತೆ ಇಲ್ಲದೇ, ವರ್ಶನ್‌ಗಳ, ಅಪ್‌ಡೇಟ್‌ಗಳ ತಲೆಬಿಸಿ ಇಲ್ಲದೇ ಬಳಸಬಹುದಾದ ಕೀಲಿಮಣೆ. 

InScript ಕೀಲಿಮಣೆ ವಿಂಡೋಸ್ ಕಾರ್ಯಾಚರಣಾ ವ್ಯವಸ್ಥೆಯದೇ ಭಾಗವಾಗಿದ್ದು ಹೊರಗಿನಿಂದ ಅನುಸ್ಥಾಪಿಸಲ್ಪಡಬೇಕಾದ ತಂತ್ರಾಶವಾಗಿಲ್ಲ. ಅದನ್ನು ಕೇವಲ ಸಕ್ರಿಯಗೊಳಿಸಬೇಕಿರುತ್ತದೆ. ವಿಂಡೋಸ್ ಎಕ್ಸ್‌ಪಿಯಾದರೆ ಕಂಟ್ರೋಲ್ ಪ್ಯಾನಲ್‌ನಲ್ಲಿ Regional Settings ಮೂಲಕ ಇದನ್ನು ಸಕ್ರಿಯಗೊಳಿಸಬಹುದು. ಆದರೆ ಸಕ್ರಿಯಗೊಳಿಸುವಾಗ ವಿಂಡೋಸ್ ಎಕ್ಸ್‌ಪಿ CDಯನ್ನು ಕೇಳುತ್ತದೆ. ವಿಂಡೋಸ್ ವಿಸ್ತಾ ಮತ್ತು ನಂತರದ ಕಾರ್ಯಾಚರಣಾ ವ್ಯವಸ್ಥೆಗಳಲ್ಲಿ CD ಅಗತ್ಯವಿಲ್ಲ.

ಈ ಲೇಖನ ವಿಂಡೋಸ್-7ರಲ್ಲಿ ಕನ್ನಡ ಇನ್‌ಸ್ಕ್ರಿಪ್ಟ್ ಸಕ್ರಿಯಗೊಳಿಸುವ ಬಗೆಗಿದ್ದರೂ ವಿಂಡೋಸ್‌ನ ಇತರ ಕಾರ್ಯಾಚರಣಾ ವ್ಯವಸ್ಥೆಗಳಲ್ಲೂ ಇಂತಹುದೇ ಹೆಜ್ಜೆಗಳ ಮೂಲಕ ಕನ್ನಡ ಇನ್‌ಸ್ಕ್ರಿಪ್ಟ್  (ಬೇರೆ ಭಾಷೆಯ ಕೀಲಿಮಣೆಗಳನ್ನು ಸಹ) ಸಕ್ರಿಯಗೊಳಿಸಬಹುದು. 

ಹೆಜ್ಜೆಗಳು
1. ವಿಂಡೋಸ್ -7 Start Button ಕ್ಲಿಕ್ ಮಾಡಿ, ನಂತರ Control Panel ಆಯ್ದುಕೊಳ್ಳಿ.

2. ಕಂಟ್ರೋಲ್ ಪ್ಯಾನಲ್ ತೆರೆದುಕೊಂಡಾಗ ನಿಮಗೆ ಕಂಡುಬರುವ ಆಯ್ಕೆಗಳಲ್ಲಿ
3. ನಿಮಗೆ ಮುಂದೆ ಸಿಗುವ ಆಯ್ಕೆ ಕೆಳಗಿನಂತಿದ್ದರೆ Change keyboards or other input methods ಮೇಲೆ ಕ್ಲಿಕ್ ಮಾಡಿ. ಇಲ್ಲದಿದ್ದರೆ ಮುಂದಿನ ಹೆಜ್ಜೆಗೆ ನೇರವಾಗಿ ಹೋಗಬಹುದು. 

4. ನಿಮಗೆ ಸಿಗುವ ಆಯ್ಕೆ Region and Language ಎಂಬ ಡೈಲಾಗ್ ಬಾಕ್ಸ್‌ನಲ್ಲಿ ಅದರ ಮೂರನೇ ಟ್ಯಾಬ್ ಆದ  Keyboard and Languages ಆಯ್ದುಕೊಳ್ಳಿ ಮತ್ತು ಅದರಲ್ಲಿ Change Keyboards ಗುಂಡಿಯ ಮೇಲೆ  ಕ್ಲಿಕ್ ಮಾಡಿ.

 5. ನಿಮಗೆ ಕೀಲಿಮಣೆಗಳನ್ನು ಆಯ್ದುಕೊಳ್ಳಲು ವಿಂಡೋಸ್ ಕೆಳಗಿನಂತೆ Text Services and Input Languages ಎಂಬ ಇನ್ನೊಂದು ಡೈಲಾಗ್ ಬಾಕ್ಸ್ ನೀಡುತ್ತದೆ. ಅದರಲ್ಲಿ Add ಗುಂಡಿಯ ಮೇಲೆ ಕ್ಲಿಕ್ ಮಾಡಿ.

6. ವಿಂಡೋಸ್ ನಿಮಗೆ ಅಯ್ಕೆಪಟ್ಟಿಯನ್ನು ಕೆಳಕಂಡಂತೆ ಮತ್ತೊಂದು Add Input Language ಡೈಲಾಗ್ ಬಾಕ್ಸ್ ಮೂಲಕ ನೀಡುತ್ತದೆ. 
ಅನುಕ್ರಮಣಿಕೆಯಲ್ಲಿ Kannada (India) ಹುಡುಕಿ ಚಿತ್ರದಲ್ಲಿ ತೋರಿಸಿರುವಂತೆ + ಮೇಲೆ ಕ್ಲಿಕ್ ಮಾಡಿ. ವಿಸ್ತೃತವಾಗುವ ಆಯ್ಕೆಯಲ್ಲಿ keyboard ಪಕ್ಕದಲ್ಲಿರುವ + ಮೇಲೆ ಮತ್ತೆ ಕ್ಲಿಕ್ ಮಾಡಿ. 
ಮತ್ತೆ ವಿಸ್ತೃತವಾಗುವ ಆಯ್ಕೆಯಲ್ಲಿ Kannada ಚೆಕ್‌ಬಾಕ್ಸ್ ಮೇಲೆ ಕ್ಲಿಕ್ ಮಾಡುವ ಮೂಲಕ ಚೆಕ್ ಮಾಡಿ ಮತ್ತು OK ಗುಂಡಿಯನ್ನು ಒತ್ತಿ.


7. ಅಯ್ಕೆ ಪಟ್ಟಿಯಿಂದ ಕನ್ನಡವನ್ನು ಆಯ್ದುಕೊಂಡ ನಂತರ ಡೈಲಾಗ್ ಬಾಕ್ಸ್‌ನಲ್ಲಿ ಕೆಳಗಿನ ಚಿತ್ರದಲ್ಲಿರುವಂತೆ ಕನ್ನಡದ ಆಯ್ಕೆ ಬಂದಿರುವುದನ್ನು ಗಮನಿಸಿ. Apply ಗುಂಡಿಯನ್ನು ಕ್ಲಿಕ್ ಮಾಡಿ. ನಂತರ ಡೈಲಾಗ್ ಬಾಕ್ಸ್ ಮರೆಯಾಗಿಸಲು OK ಗುಂಡಿಯನ್ನು ಕ್ಲಿಕ್ ಮಾಡಿ. (ಕನ್ನಡದ ಆಯ್ಕೆ ಇಲ್ಲದಿದ್ದರೆ Add ಗುಂಡಿಯನ್ನು ಕ್ಲಿಕ್ ಮಾಡುವುದರ ಮೂಲಕ ಹಿಂದಿನ ಸೂಚನೆಯನ್ನು ಪುನರಾವರ್ತಿಸಿ.) ನಿಮ್ಮ ಗಣಕದಲ್ಲಿ ಕನ್ನಡ ಇನ್‌ಸ್ಕ್ರಿಪ್ಟ್ ಕೀಲಿಮಣೆ ಸಕ್ರಿಯಗೊಳ್ಳುತ್ತದೆ.


8. ನಿಮ್ಮ ಟಾಸ್ಕ್‌‌ಬಾರ್‌ನ ಬಲತುದಿಯಲ್ಲಿ ನಿಮ್ಮ ಗಣಕದ ಸಮಯ ತೋರಿಸುವ ಪಕ್ಕ EN ಎಂಬ ಅಕ್ಷರಗಳನ್ನು ಗಮನಿಸಿ. ಅದೇ ನಿಮಗೆ ಭಾಷಾ ಕೀಲಿಮಣೆಗಳನ್ನು ಒದಗಿಸುವ ಆಯ್ಕೆ ಪಟ್ಟಿಯಾಗಿದ್ದು, ಅದರ ಮೇಲೆ ಕ್ಲಿಕ್ ಮಾಡಿ

EN ಎಂದು ತೋರಿಸುವಾಗ ಇಂಗ್ಲೀಷ್ ಮತ್ತು KD ಎಂದು ತೋರಿಸುವಾಗ ಕನ್ನಡ ಆಯ್ಕೆಯಾಗಿರುತ್ತದೆ, ಈ ಆಯ್ಕೆಪಟ್ಟಿಯಲ್ಲಿ ಕ್ಲಿಕ್ ಮಾಡುವ ಮೂಲಕ ನಿಮಗೆ ಬೇಕಾದ ಕೀಲಿಮಣೆಯನ್ನು ನೀವು ಆಯ್ದುಕೊಳ್ಳಬಹುದು. ಪ್ರತಿ ತಂತ್ರಾಶಕ್ಕೂ ಬೇರೆಯದೇ ಆಯ್ಕೆ ಇಟ್ಟುಕೊಳ್ಳಬಹುದು. 

ಇಂಗ್ಲೀಷ್ ಮತ್ತು ಕನ್ನಡ ಕೀಲಿಮಣೆಗಳನ್ನು ಪರಸ್ಪರ ಬದಲಾಯಿಸಲು (Toggle ಮಾಡಲು) ಪ್ರತಿ ಬಾರಿ ಕ್ಲಿಕ್ ಮಾಡಬೇಕೆಂದಿಲ್ಲ. Alt ಮತ್ತು Shift ಕೀಲಿಗಳನ್ನು ಒಮ್ಮೆಗೇ ಒತ್ತಿ ಕನ್ನಡದಿಂದ ಇಂಗ್ಲೀಷ್‌ಗೆ ಮತ್ತು ಇಂಗ್ಲೀಷ್‌ನಿಂದ ಕನ್ನಡಕ್ಕೆ ಪರಸ್ಪರ ಬದಲಾಯಿಸಬಹುದು (Toggle) (ನುಡಿ ಕೀಲಿಮಣೆಯಲ್ಲಿ Scroll Lock ಕೀಲಿಯಂತೆ)

ವಿಂಡೋಸ್ ಎಕ್ಸ್‌ಪಿ ಕನ್ನಡಕ್ಕೆ KN ಎಂದು ಆಯ್ಕೆಯಲ್ಲಿ ತೋರಿಸಿದರೆ, ನಂತರದ ವಿಂಡೋಸ್ ಕೀಲಿಮಣೆ ತಂತ್ರಾಶಗಳು KD ಎಂದು ತೋರಿಸುತ್ತದೆ.

On-Screen Keyboard ಸಹಾಯ ಪಡೆಯಲು Start--> All Programs --> Accessories --> Easy of Access --> On-Screen Keyboard ಆಯ್ದುಕೊಳ್ಳಿ.

ಸಕ್ರಿಯ ವಿಂಡೋಸ್ ಕನ್ನಡ ಇನ್‌ಸ್ಕ್ರಿಪ್ಟ್ ಕೀಲಿಮಣೆ ವಿನ್ಯಾಸ
ಸಾಮಾನ್ಯ ಬೆರಳಚ್ಚು ಶಿಫ್ಟ್ ಕೀಲಿಯನ್ನು ಒತ್ತಿ ಹಿಡಿದೇ ಇದ್ದಾಗ (Without Shift)

ಶಿಫ್ಟ್ ಕೀಲಿಗಳನ್ನು ಒತ್ತಿ ಹಿಡಿದು ಬಳಸುವ ಕೀಲಿಗಳಿಗೆ ಅಕ್ಷರಗಳ ಹಂಚಿಕೆ (With Shift)

Ctrl ಕೀಲಿ ಒತ್ತಿ ಹಿಡಿದು ಬೆರಳಚ್ಚು ಮಾಡಿದಾಗ 
Alt+Ctrl+Shift ಮೂರೂ ಕೀಲಿಗಳನ್ನು ಒತ್ತಿ ಹಿಡಿದು ಬೆರಳಚ್ಚು ಮಾಡಲು ಕೀಲಿಗಳಿಗೆ ಹಂಚಿಕೆ
(ಬಹಳ ವಿರಳವಾಗಿ ಬಳಸುವ ಅಕ್ಷರಗಳೆಂಬುದನ್ನು ಗಮನಿಸಿ)
(Shift + Ctrl+ 2) ಅನ್ನು Zero Width Non-Joiner ಮತ್ತು (Shift + Ctrl + 1) ಅನ್ನು Zero Width Joinerಗಾಗಿ ಬಳಸಬಹುದು.